mercoledì, Ottobre 5, 2022
16.7 C
Milano

Fondatori: Gilberto Oneto, Leonardo Facco, Gianluca Marchi

Parchè no pol esister el “diritto” de sfondar la vetrina de un tabachin

Da leggere

proprietadi ALBERTO VENEZIANO

Basta un telegiornale par sentir nominar na infinità de volte la paroea “diritto”, senpre a sproposito. Vien definì “diritto” qualsiasi desiderio o necesità che se pol descriver come irinunciabile. La politica la se incarica de vender i “diritti” che in quel momento i va de moda e, soratuto, i “rende”, in canbio de consenso, potere e privilegi.

L’unico DIRITTO de cui no se parla mai, l’unico diritto vero, sicuramente el primo, l’è el diritto de proprietà.

El dirito de proprietà el se fonda su una senplice afermasion :”Mi son mio e nesun el pol invaderme e renderme schiavo dea so volontà”. Che se trate de un individuo o de na società, nesun l’à el dirito de espropriarme dea me vita. Mi vedo come veramente irinunciabile sol che questo principio. Come primo efeto de sto principio se determina el valore asoluto non contratabile del individuo.

Mi son mio e mia la è la me vita, e qua ghe n’è un pasajo fondamentale: MIO l’è quel che la me vita, la me volontà e la me atività i ga prodoto e i produse.

Esenpieto senplice. Mi ho el libero dirito, par me scelta, sensa eser de peso a nesun, de pasar vinti ani dea me vita par costruir na galeazza fata de fuminanti da cusina bon? Bon.

Se un, considerando la me opera inutile secondo i so parametri, el ghe da fogo, el distruge insieme aea galeazza vinti ani dea me vita, el senso de vinti ani dea me vita che mi ò liberamente deciso de dedicar aea costrusion de na galeazza.

Aea stesa maniera se mi o Bepi o Franco metemo in pìe na atività, na botega de tabachin par esenpio, anca la vetrata la costituise na parte dea nostra vita, fata de giornade magari noiose, servide a ciapar i schei par pagar la vetrata. Distruger la vetrata significa distruger na parte dea nostra vita.

Nea stesa maniera distruger la porta de casa, i aredi, i ricordi, el centrin fato a uncineto daea nona, o le so piante, o la so cusina, vol dir distuger na parte de na vita che no se pol recuperar, na mancansa de rispeto asoluta, un crimine ABOMINEVOLE che ‘l segna nel profondo la cosceinsa de quei che lo subise.

Par questo la LEGITIMA DIFESA come legitima difesa dea propria vita la è un valore fondamentale e come valore el va difeso co le so conseguenze, dure, inplacabili ma GIUSTE.

Deve eser reso chiaro e INEQUIVOCABILE che, nel momento in cui ti te manca de rispeto al valore dea vita altrui, in quel istante el debito che te à co la to vitima l’azzera el valore dea TO vita. In quel momento la to vita azzerata te la mete nee man del derubato. El derubato el pol reagir e difenderse ma decide lu come. El pol risparmiarte, el pol anca perdonar el sfregio ma se lo fa, lo fa come atto volontario, no come atto dovuto. Se invese no ‘l soporta el sopruso e el te spara come che l’è successo e sucederà ancora, l’à semplicemente applica la LEGGE su cui no ghe n’è giudice o giuria che pose intervegner e manco ancora ghe n’è parlamento che el pose legiferar.

Su ste senplici proposision, su la acetasion de sti basilari principi, se pone el discrimine fra quei che riconose e rispeta el dirito de proprietà e quei che invese, aparentemente par “toleranza” e “altruismo” ma in realtà par riservarse el diritto al furto, no i lo rispeta.

Da un fasullo “collettivismo” enfatizà in te na frase fata girar in modo subdolo nea scuola, la famosa frase “la proprietà è un furto”, deriva un modo de pensar e scriver “leggi” che le garantise el “diritto” de distruger na vetrata o na vita sensa subir conseguense.

Ma no basta, le leggi le serve in realtà a garantir el diritto de intervento e ingerensa, senpre più in espansion, dea classe “dirigente” nea vita dee persone. Co el dirito de ingerensa se espande come corollario inevitabile, la necesità de garantirghe come “legiferanti”, “dirigenti” e “giudicanti” un lauto stipendio a tuti quei che i riese a inbusarse nel sistema.

Ma no basta ancora, par garantirse i stipendi e la possibilità de espander le so “atività” le classi “dirigenti” le à bisogno de garantirse la possibilità de alimentarse aplicando na estorsion metodica fondada senpre sul steso principio che lori i aplica: ABROGAZIONE DELLA PROPRIETA’ PRIVATA, quindi tasse, tasse TASSE.

I promotori de sto modo de pensar i continua, nei secoli, a perpetuar la arogansa dea classe dei “oratores” produtori de “pensiero” (senpre più spesso aria frità) in realtà servi dei “bellatores” prepotenti e feudali violenti e parassiti come nel medio evo, che i considera co dispresso el prodotto dei “laboratores” dediti a atività più materiali.

A sto punto mi, come laboratores, estimator e nel me picolo “cantore” dei laboratores, me inrabio sensa rimedio e reagiso con na guera pacifica ma sensa quartier. Par questo invoco l’aiuto dei me amici marcheschi e laboratores come mi par difender el senso e el VALORE dee nostre vite active contro quei che da senpre i le SVILISE e i le DISPRESSA par poderle conprar in svendita pagandoe na pipa de tabac.

So che la pol eser na guera persa, ghe vol coraio e no ghe n’è tanto in giro, ma devo difender la me vita e el tenpo che ò inpiegà, come se avese costruì anca mi na galeazza de fuminanti, a lezer e a sercar de capirghene calcosa, tenpo sprecà? No, no e NO!

- Advertisement -

Correlati

2 COMMENTS

  1. Beissimo articoeo. Podopo sgrafa’ nea me engoea..???

    Si, i anesionisti i disara’ che a Padoa se dixe pan e a Treixo se dixe vin, quindi no se

    pacioea tuti kompagno; ma tra de nialtri se capimo anca sensa parlarse, al voeo, vardandose in

    tei oci, quindi..? SBOCAEONI i xe. Pa no ciamarli NEMISI e dirghene de pexo..!

    Sta sintonia fa paura in tee sae taliane o mejo forse ciamarle TALIBANE, da: i tali della

    repubblika delle banane.

    Tutavia, ea storia beoria xe da ben sento e sinkuanta ani senpre ea stesa.
    E voemo kua’, e voemo ea’. Nase tutaldi’ un movimento che dixe de liberar el popoeo veneto ma se uno dei serenissimi veneti se move finise in tei piombi trikoloriti.

    “Mi go proa’ a far ea proposta de far i toponimi in do lengoe: una VENETA e un taliana.
    I me ga risposto nea maniera pexo e talmente… che dir, sbaliada da umiliarme mi che ea
    proponevo soeo. I se profesava lighisti sti figuri tririnkoloriti pa no dir pexo.
    Come se sa l’abito fa da sempre il monaco.
    Podopo te scopri ke nol xe un vero monako, ma intanto ju magna e sora e spae de chealtri..!

    Noialtri insoma”.

    Pero’ nea scuoea media del ocupante a ghe jera i cartei in tutte e lengoe de sto mondo fora che
    quea VENETA..!!! (periodo del me manda’ da consilier comunae 1994 x 4 ani. se ricordo ben).
    Xente veneta che va pi’ co l’ocupante pitosto de star col so fradel vero parche’ veneto come ju.

    Cio’, i canta dae matina aea sera fradei de talia e ssciavi de roma (da senpre predona) no i se
    dimanda mia mai se xe vero o falso..!! Varde’ el film EL LEON DE VIERO. (il leone di vetro).
    Ma se no semo gnanca parenti come faremo mo, kax, de esar fradei…????
    Semo o no pi’ visini ai cruki austriasi o pi visini ai trinacri..?
    Podopo i dixe che semo cugini de i francexi… ma xei mati..??
    I francexi ne ga distruto ea SERENISSIMA REPUBLIKA VENETA, da cugini o da mone..?
    Da buli de seguro…

    Ma sio mone proprio o cosa siu, beh, se nde co ea storia beoria dea Talia ghe dare’ el nome
    napoeon a tuto, anka aea vostra pipi’..!!

    No, i ga da esar mone, se no kax, no i ghe parlaria ai so fioi in talian..!!! Scanceandoghe ee
    raixe dea so STORIA. Dee parentee mienarie.
    Pi mone de kusi’ se more, si o no..? INFATTI I XE DRIO MORIR..! I SE KOPA DA SOI..!!!

    E come che i mejora ea pronunsia del pacioear pa far da vedar che ori xe inparai e tanto
    taibani. Ocio, da no confondar co i TALEBANI…
    De seguro un di’ i sara’ visti come i briganti napoetani che no voeva l’unita’ e par questo
    diti BRIGANTI..! Che brao sto kax de stato occupante. El ga costruesto un bel ALKATRAZ…

    Basta vedar el film IL LEONE DEL DESERTO pa capir in che stato semo..! E Il Leone di vetro par capir come che i lo ga voesto..!

    Ma se lexemo i libri che sforna i trikoloriti, kol kax che se svejemo..!

    Sero dixendo:
    IN TALIA NO GHE XE LEXITIMA DIFEXA..!! BEH, semo in gaera a ALKATRAZ penisola
    dell’ingiustizia..?

    Ma a parte queo e lexi xe fate in modo tae da esar come e TRAPOE PA OXEI: e scata se te va a tocar el magnar.

    SEMPRE E SOEO EL BANCO, meditare per favore, VINSE E MAGNA SENPRE CHE NOL XE EL COSIDETTO POPOLO ITALIANO, SPECIE SE SOTTOMESSO COME QUEL VENETO… SPESSO CALPESTA’..!
    MA SEMPRE ORI MAGNA: I VERI MAGNA MAGNA appunto..!

    SENTO E SINKUANTA ANI SOTO E ANKORA SEMO CONTENTI E BEATI..!
    Gnanka fosimo dei canarini in keba..! Cantemo par fin… magari l’ino del mameukoeo..!

    Lexi par ben:
    SENSA DISINKANTO DE MASA GNENTE LIBARTA’..!!!
    Bixogna kapir che semo in keba pa desiderar de voer ea LIBARTA’ (DISINCANTO)… altrimenti:
    pregar e cantar… eo faxeva i neri in Merika…

    EORA?

    STAREMO SENPRE E PAR SENPRE IN KEBA, visti gli andasi..!
    Cioe’: SOTTO DOMINIO..!

    Ultima roba da dir..:
    anca masa (troppi) movimenti; a mi me ne bastaria uno e de veramente BON..!

    Salam

  2. Mi i voria fé ij compliment për n’articol ën lenga veneta, a l’era ora!
    Mi i son piémonteis ma i son riuscì a lesi e comprende ugualment lòn ch’a l’è stait ëscrit.
    Si noi voluma l’indipendensa la prim-a còsa da fè l’è d’abandoné la lenga dij invasor, l’artificial italian, lenga forestera për noi autri, e dovré le nostre lenghe. S’aioma bzògn de na lenga franca a i è’l franseis.

LEAVE A REPLY

Please enter your comment!
Please enter your name here

- Advertisement -

Articoli recenti